Баянбулаг


 ТАНИЛЦУУЛГА

Манай баг 2007 онд Булаг багаас тасарч Орхон аймгийн Иргэдийн төлөөлөгчдийн 14-р хуралдааны 4-р тогтоолоор бие даасан баг болгох шийдвэр гарч Баян-Өндөр хайрханыхаа Баянг  угшил нэгтэй Булаг багийнхаа Булагийг нь нэрэндээ оруулан багийн ИНХ-ын тэргүүлэгчдийн шийдвэрээр“БАЯНБУЛАГ” нэр өгч 2007 оны 12-р сарын 22 ны өдөр багийн 264 иргэн оролцсон хуралдаан зохион байгуулан 926 өрх 3456 хүн амтайгаар анх дугаар хуралдаанаас багийн засаг даргаар Ч.Дагвадорж ИНХ-ын даргаар М.Толя нарыг сонгож зохион байгуулагчаар Г.Баярмагнай хэсгийн ахлагч 5, сахиул нэгтэйгээр төрийн анхан шатны үйлчилгээг иргэддээ үзүүлэхээр шинээр баг байгуулагдаж байсан түүхтэй.

Одоо тус багт ИНХ-ын дарга Ж.Энхсайхан, Засаг даргаар Ч.Дагвадорж, Зохион байгуулагчаар Г.Баярмагнай, Д.Жаминмядаг, Д.Баасансүрэн, О.Болормаа, Х.Батцэцэг С.Наранцэцэг, Нийгмийн ажилтан Ж.Ариунаа, Г.Ганхаш нар ажиллаж байна. Хэсгийн ахлагч С.Алтанцэцэг, Д.Сарантуяа, С.Нарангэрэл, сахиул үйлчлэгч Ш.Мөнх-Амгалан, баг хариуцсан халамжийн мэргэжилтэн Ц.Сосорбарам,ахмадын зөвлөлийн дарга Ж.Саяннямбуу нар 986 өрхийн 3478 иргэнд төрийн анхан шатны үйлчилгээг үзүүлж байна.

2007 онд  анхбаг үүсэн байгуулагдахад тал дээр барьсан ганц байшин, дарга зохион байгуулагч нарын ширээ сандлаас өөр эд хогшилгүй, шинэ тутам эхэлсэн багт үйл ажиллагаа явуулдаг ААН байгууллага 5-н хүнсний дэлгүүрээс өөр үйлчилгээний газаргүй байлаа.Үүнээс хойш багийн иргэд хөдөлмөрчид сум аймгийн дэмжлэгтэйгээр жил бүрийн аймаг сумын үндсэн чиглэлд санал оруулж тусгуулсанаар Ерөнхий боловсролын 16-р дунд сургууль,өрхийн эмнэлэг, эмийн сантай болж өргөжлөө.Ахмад настан,хүүхэд залуучуудын чөлөөт цагийн талбай,хүүхдийн тоглоомын талбай,гүний худаг 3-ыг тус тус шинээр барьж ашиглалтанд оруулсан,төвлөрсөн усан сангийн шугам тавигдаж цаашид айл бүрийн гэрт цэвэр усны хангалт оруулах боломж бүрдсэн байна,

Одоо манай багийн нутаг дэвсгэрт 18 аж ахуйн нэгж байгууллагууд үйл ажиллагаа явуулж,зам дагасан гэрэлтүүлэг тавигдан,цахилгааны хүчдэл нэмэгдүүлэх зориулалтаар трансформатор 2 газар баригдаж,шинээр үүссэн 5 гудамжинд гэрлийн шугам татагдсан,нийт өрхийн 98 хувь нь хашааны газраа өмчилж авсан, Тогтвортой амьжиргаа-2 төслөөр багтаа хогны машинтай болсон, багийн засаг даргын ажлын алба компьютер, техник хэрэгслэл, ширээ сандлаар бүрэн хангагдаж, гадна дотно тохижилтыг сайжруулсан, иргэний танхимтай болсон  зэргээр баг хороо хөгжиж иргэдэд чиглэсэн үйлчилгээ жилээс жилд өсөн нэмэгдэж байгааг дурьдахад таатай  байна.

2000 онд тус багт такси үйлчилгээ явуулдаг болгохоор тухайн үеийн багийн иргэд бид замын чулууг түүж поргон машин явдаг болгон багт оршин суудаг хувийн машинтай жолооч Л.Ганбаатар, Л.Пүрэвжав, Х.Даваа нарын зэрэг жолооч нар хувиараа иргэдэд үйлчилгээ үзүүлж эхэлснээс хойш 2005 онд сайжруулсан зам тавьж жил бүрийн хавар намар зам хусаж  сайжруулан зорчигч тээврийн үйлчилгээ явуулж, энэ онд 1.3 км хатуу хучилттай замтай болох төсөв хөрөнгийн асуудлыг шийдвэрлэсэн болно.

2013 онд манай багийн нутаг дэвсгэрт ахмадын сувилал, Нийгмийн халамж үйлчилгээний хэлтсийн байр,100 хүүхдийн цэцэрлэг,Халуун ус-саун-үсчин бүхий ахуйн үйлчилгээний төлөрсөн цэг ашиглалтанд орж иргэдэд чиглэсэн бүх төрлийн үйлчилгээг хөнгөн шуурхай хүргэж байна.

Тус багийн 70 өрх хэрэглээнийхээ төмс, хүнсний ногоо тариалдаг,25 өрх 1391 толгой малтай,15 иргэн өрхийн үйлдвэрлэл эрхэлдэг болно.

2013 онд Баянбулаг баг жилийн ажлаар тусгай байр, Гэмт хэргээс урьдчилан сэргийлэх ажлаар 1-р байр эзэлсэн амжилтаар шинэ оноо угтаж, төрийн анхан шатны үйлчилгээг иргэдэд хөнгөн шуурхай,соёлтой хүргэж,шударга,ёс зүйн доголдолгүй ажиллах зорилт дэвшүүлэн ажиллаж байна.