ISO 14001:2015
Цаг үеийн мэдээлэл
Шар усны үерийн эрсдлээс урьдчилан сэргийлээрэй!!!
Хаврын улирал эхэлж, цас хайлахтай зэрэгцэн шар усны үерийн эрсдэл нэмэгддэг. Иргэд та бүхэн дараах арга хэмжээг авч, урьдчилан сэргийлэхийг зөвлөж байна:
Гэр, орон сууцны ойролцоох шуудуу, суваг, гуу жалгыг цэвэрлэх – Ус чөлөөтэй урсах нөхцөлийг бүрдүүлснээр үерийн эрсдэлийг бууруулна.
Барьсан далан, хаалтыг шалгах – Хэрэв ус хаагдаж, бөөгнөрөх нөхцөл үүссэн бол урьдчилан сэргийлэх арга хэмжээ аваарай.
Бага насны хүүхдэд анхаарал тавих – Үерийн усанд тоглох, мөсөн дээгүүр явах нь эрсдэлтэй тул хүүхдүүдээ сэрэмжлүүлэх.
Цаг агаарын мэдээг тогтмол хянах – Хур тунадас ихтэй үед үерийн эрсдэл нэмэгддэг тул цаг үеийн мэдээлэл авах.
Газар доорх болон суурийн байгууламжийг шалгах – Ус нэвчихээс хамгаалж, шаардлагатай арга хэмжээг авах. Шаардлагатай тохиолдолд Онцгой байдлын байгууллагад хандаж, тусламж авах боломжтой. Эрсдэлээс сэргийлж, аюулгүй байдлаа хангаарай!
Сэтгэгдэл үлдээх